lørdag 27. august 2011

Pingvinar

IMG_0002.JPG


Pingvinar? Kva har det med husbygging å gjere? Sidan vi flytta saman i den fyrste vesle leilegheita i Bergen, då vi framleis berre var to og studerte biologi, har pingvinane vore med. Vi veit ikkje heilt kvifor, men kan det vere den fyrste pingvinen? Den trepingvinen Alfred kjøpte i Malaysia - av alle stader.

I den fyrste leilegheita trong vi ikkje kjøpe så mykje inventar, men den hadde store butikkvindauge på gateplan, så gardiner til soverommet måtte vi ha. Då Magni for på ekspedisjon for å finne våre fyrste gardiner hadde Alfred berre eitt krav: Det er akkurat det same korleis dei ser ut, berre det er pingvinar på!

Magni fann pingvingardiner, og etter det har vi hatt pinvinar alle stader vi har bodd. I dag har Iver pingvingardinene på sitt rom.

IMG_0013.JPG


Vi har ikkje blitt notoriske pingvinsamlarar, men ting med pingvinar har litt lettare for å bli med heim enn t.d. ting med sauer eller elefantar. Desse tre er frå Tyrkia.

Kva gjer vi med pingvinane i nyehuset? Kva rom får pingvingardiner?

IMG_0010.JPG

Den største utfordringa er kanskje pingvinludoen. Ei bryllupsgåve, som eigentleg bør stå framme og bli brukt, men som er litt stort og har knuslege brikker. Finn vi ein trygg plass til den?


Og skal huset få nye pingvinar? Åshild tipsa oss om denne fine tapeten. Det finnst pingvinlamper

Eller kanskje ein Penguin-stol, teikna av Peter Opsvik?

Enn så lenge har vi alle mogelegeheiter opne.

Ingen kommentarer:

Legg inn en kommentar