Kjøken med sofa

Den siste veka har vi snudd opp ned på kjøkenplanane nokre gongar. Det er ikkje alt som kan gjerast som vi hadde tenkt og det rommet vi hadde planar om å ha til kjølerom kan ikkje byggast på denne måten. Vi må også ha ei søyle for å bære etasjen over (og potensiell snø over der).

No nærmar det seg ei løysing vi vert nøgd med. 

Vindauget i det som var kjøkensittekroken er fjerna for å få plass til kjølehjørne. Då vart det plass til komfyr (og vifte) mot ytterveggen i staden for på kjøkenhalvøya. I tillegg har vi fått plass til både datamaskin mot gangen og sofa på baksida av skaprekka. 

Det er ikkje alt som stemmer heilt på teikninga, men dette er så nært eg kjem med IKEA Home Planner, og gir eit godt nok bilete for oss. Den svarte søyla markerer kvar vedomnen skal stå, og kjølehjørnet har skrå dør. I tillegg er rommet med spisebordet litt større mot høgre. Håper eg har tenkt på alt som skal ha ein plass...

Sjølve kjøkenet vert nok eit IKEA-kjøken (Faktum, abstrakt svart og kvit), men kvitevarer, vask og benkeplate handlar vi andre stader. Tips? 

Bjørlo sett frå lufta

...evt frå fjellet på hi sida av elva.

Alfred og ungane gjekk til Alsåke-sætra i dag, og på veg opp fekk dei tatt bilete av det som skal bli huset vårt. Kjekt å sjå det frå den sida.

Legg merke til Almen på nordsida av huset. Det er viktig å ta vare på dette staselege treet som stikk seg ut i landskapet.

Utsikt

Ingebjørg er den einaste som skal ha rom i 1. etasje, og difor den einaste som kan "gå inn i" rommet sitt akkurat no. Ho kan til og med sitte i vindaugskarmen.



Reisverket vert som ei skisse eller eit omriss av huset. Det vert spannande å sjå når neste etasje reiser seg.



Det vert kanskje lettare å førestille seg om ein ser på denne teikninga.



Ingebjørg kan heilt klart førestille seg korleis det skal bli å ha senga si innafor dette vindauget, og ho gler seg.