Lenge sidans siste oppdatering og veldig mykje som har skjedd. Graset har grodd kring heile huset. Vi har tette veggar, glas, tett tak og ikkje minst innvendige takrenner. Huset vert ikkje så ruvande i terrenget som ein skulle tru, og vi ser at plasseringa vert betre enn vi kunne drøyme om. Her skal det bli godt å bu.
Inngangspartiet er førebels litt luftig.
Akkurat no brukar vi tankeverksemda på plasering av stikkontakter, spottar og andre ting som høyrer til det elektriske. Sidan det kjem an på mange andre detaljar vert mykje av grunnmøbleringa uttenkt i same slengen. Kva passar av dei møblane vi har og vert det plass til dei slik vi har tenkt?
Det fyrste måltidet i nyehuset: kaffi, lefse og saft i stova i 2. etasje 24. juli. 5 månader til julafta.
Siste sveis på taket før byggjefolka tok ferie. No står huset tomt nokre veker, men taket og huset er tett og fint. Det fekk til og med prøvd seg i 50-års-regnskyllet utan at vi fann vatn på innsida.